الاخوان المسلمين ( نقاش )

رغم انني لا اتخذ موقفا عدائيا من الاخوان بل وددت في يوم ما ان انضم اليهم لما اراه من اعمالهم الاجتماعيه و الثوريه علي الصهاينه و الامريكان , و رغبتهم و اصرارهم علي تطبيق الشريعه .....,

و بين مؤيد و معرض احتار عقلي و تشتت اختياراتي , فمن ادعم و من اصدق و من الصالح و من الفاسد فهل الاخوان يسعون الي الحكم حقا ام ان هناك من يتحالف مع اعداء الاسلام ليحافظ علي مراكزه فهل اصدق من يشكك في نزاهه الحكومه ام من يسب الاخوان و يتهمهم بالعماله لايران , اشتد الضباب في مجتمعنا فلم نعد نري العدو من الصديق و اصبح منا من يساند الصهاينه متخفيا تحت ستائر الادعاء و من يهاجم حصون الشرفاء و يقتل الحقيقه في وضح النهار ...........

انت علي حق فقد اشتد الضباب حتي اننا اصبحنا نشكك في انفسنا
انا معك في ان لهم مواقف ايجابيه ثوريه في هجومهم علي الامريكان ولكنهم -احيانابل غالبا-يسيون استخدامهم لهذه الثوره فيكسرون هذا ويضربون هذا و.....
الي ان اصبح اسم الارهاب مقترن باسمهم -بل اصبحوا في مكانه تنظيم القاعده-
واصبحوا منبوزين من الناس و الحكومه والمنظمات الدوليه فزدداء غبائهم فاخذتهم العزه للوقوف في وجه الحكومه والافراد وكل شخص لا يتفق معهم...وارادوا ان يحتلو الحكم ولكن هيهات -اني يكون ذللك-

فهم في نظري جماعات ارهابيه لن تتغير طالما ظلوا مستخدمين هذه الساسه اللعينه التي لا تعتمد ع حوار او مناقشه ولكن مجرد مظاهرات وهتافات وتجمعات لن يجنوا ثمارها مهما طال الزمن

فهم مجرد جراثيم منتشره في شتي بقاع مصر-رغم هدفهم النبيل الذين ساءوا استعماله- تصيب كل من يقترب منها باذي بالغ ......(اسأل مجرب ولا....)اصلهم منتشرين في الكليه عندي دائما محل اذدراء وسخريه

واخيرااا(هم جماعات ارهابيه-من وجه نظري- هم كالصبار تحب رؤيته ولكن تكره لمسه

اخيرا (من يجنح لهم يتحمل لدغهم)

بسم الله الرحمن الرحيم

"ويمكرون ويمكر الله والله خير الماكرين"

اخى الغالى محمد سامى حياك الله تعالى على وضعك لهذا الموضوع الطيب
لكن دعنى اخى الكريم
اسألك سؤال
"هم مش بيقولوا قلب المؤمن دليله"
فين قلبك
ولا اقولك بلاش تخاريف

فين العقل

ده اللى انا عايز اوصله

يا اخى الغالى العقل هو اللى هيوصلك للحق
لو حكمنا عقولنا شويه
هنلاقى نفسنا كنا ضحيه

ايوه كنا ضحيه
ضحيه اعلام مصرى كاذب
اعلام مصرى ضال
استحسنوا فى انفسهم انهم حماة مصر
وطبعا انته عارف انا بتكلم عن مين
الحزب الوطنى
لا لا لا
انا اسف
الحزن الواطى اللاديمقراطى (ده ابسط تعبير ممكن نقوله) وسورى فى اللفظ

لكن انا مش هقول راى
لكن جماعة الاخوان العظيمه
هى التى تحدث عن نفسها
هى التاريخ ..هى القياده..هى العطاء..هى التضحيه
دى جماعة الاخوان المسلمين
جماعة الاخوان المسلمين: انا بقول عنها (وانبتت الارض يدا ترسم بريشة الاسلام فجر المقاومه

اى ان جماعة الاخوان المسلمين منذ ان اسسها الاما الشهيد حسن البنا
هى فجر المقاومه

جماعة الاخوان المسلمين لم تسئ استخدام اى شئ
ولم تكن متهمه بالغباء السياسى
جماعة الاخوان المسلمين
يوم ان رشحت نفسها فى مجلس الشعب
حصلت على 88 مقعد
واتم تزوير 15 شخص من جماعة الاخوان كانوا كسبوا ولكن
نحن تحت قياده عقيمه ..قيادة الرشوه والفسلد والمحسوبيه

جماعة الاخوان المسلمين
لم تسع قط الى السلطه
لكنها اردات ان تقدم الى ابناء شعبها (دم جديد)
دم التغيير والتقدم

ارادت ان تقدم الى شعبها روح العزه والتضحيه
جماعة الاخوان المسملين
تاريخها يتحدث عنها
هم جماعة يقولون ربى الله تعالى
هم ليسوا حزبا سياسيا او جمعيه خيريه
انما هو القرآن دستورهم ..والرسول زعيمهم ..والموت فى سبيل الله تعالى اسمى امانينهم
اخى الكريم ان جماعة الاخوان المسملين لم تكن منبوذه سوى من الحكومه فقط
اما كما قال اخى فى المساهمه السابقه
انهم منبوذون من الناس

فلا والف لا
وانا لا اتحدث
وانا الشارع هو الذى يقل لا

فهم شباب البر والتقوى
هم شباب التعاون
هم الخير فى زمن شح فيه الخير

....
على فكره انا مش من جماعة الاخوان المسلمين
عشان محدش يقول انى منهم وبدافع عنهم
لكن هم زى ما قلت والله

اخي العزيز(cody)
لكم يسعدني ان ارد علي مساهمتك و التي نالت اعجابي بشده

اولا احب ان ابدا حديثي عن السطر الثان يفي مساهمتي و الذي يقول(ان لهم مواقف ايجابيه في هجومهم علي الامريكان_فانت لم تهتم به ابداا_
اما عن سطري الخامس قلت انهم منبوزين من الحكومه و الناس -ولكنك قلت انهم من الحكومه فقط-..اذا ذهبت الي احد شباب الجامعه لا تعرفه-اليس من الناس-وقلت له انك موودان تحدثه عن شي سوف تجد وجهه مبتهج ويقول اامر وعندما تبدا في الكلام معه -مثلا- عن دور الشباب فيما يحدث في غزه تجد الابتهاج اضمحل وكانه نزل عليه غضب الله ويتمني-عفوا-ان تزول انت من وجهه رغم انك لست منهم-الاخوان- ولكنه سيشك فيك ويحاول الا يراكمجددا ..وهنا ليست الحكومه فقط وللعلم انا رايت ذللك مرارا و تكرارا من اناس اعرفهم واخرون لا اعرفهم..وقولك من الحكومه فقط فهذا يعني ان علي الاقل هناك الالاف من الشعب يعمل مع الحكومه -هههه- واخيرا حينما اسال احد عن رايه في الاخوان يققول (ب......)

اما في سطري السابع قلت انهم لا يعتمدون علي نقاش او حتي حوار ولكن مجرد مظاهرات -الا تري ان كلامي هنا يتفق مع كلامي الذي قلته فبيل قليل وهو ان احد لا يريد سماعهم و بالتالي فهم منبوزين فيعتمدوا علي المظاهرات حتي يصل صوتهم -والذي لا يريد الا قله سماعه-

اما في سطري التاسع فانت لم تهتم بما بين(- -) > وهو رغم هدفهم النبيل< فرغم ما قاته عنهم الا اني اعلم ماذا يريدون فانت لم تهتم بها وهذا يدل علي انك تاخذ ما تريد و تترك الباقي -هذا ليس اتهام بل توضيح-

اما بالنسبه لقولك عن الاعلام -ولا اعلم اي قناه تقصد- فانهم مثل القضاء (لا حكم بدون دليل)وعلي ماعتقد انه اذا صدر منهم شئ فعلي ما اظن انهم يحملون دليل حتي ان كان ضعيف
-مثال- انهم يرون مظاهراتهم ويرون ان احد العساكر قد مات او جرح فيكون هذا دليل ادانه للاخوان) مثلا

اما عن قولك هناك تزوير فقد تحدثت عنه انا في سطري السادس وهو (هيهات اني يكون ذللك-
اما في نهايه حديثك انت والذي يبدا ب(شباب البر و ينتهي بالخير) فتحدثم عنه ايضا بقولي (رغم هدفهم النبيل)

وللعلم انت لم تذكر عيوبهم انت اكتفيت بذكر مميزاتهم-رغم انه ليس هناك احد معصوم منه- اما انا فذكرت في المساهمه السابقه عيوب و مميزات

للعلم انا في كليه حقوق اقصد اني محايد ولست محازي

(واخيراا)-الخلاف في الراي لا يفسد للود قضيه-

جميل كلامك اخى الكريم
لكن انا اولا :مش قصدى انى ارد على مساهمتك
يعنى مش تجاهلت ولا حاجه
انا علقت بس انهم منبوذين من الناس
لان دى غظتنى اوى
اما عن باقى كلامك جميل معاك حق
لكن مش فى كله

التزوير حصل ادى للاخوان شعبيه كبيره
ولما ادالهم شعبيه كبير قدروا انهم يوصوا صوتهم الى الشعب
طيب انته بتقول انهم منبوذين من الناس ..عشان كده بيعملوا مظاهرات يوصلوا صوتهم ليها
يا حبيب قلبى احنا مش فى امريكا
احنا فى مصر
يعنى ديكتاتوريه .. امبراطوريه
يعنى مفيش حرية التعبير عن الرأى
يعنى المستقبل اسود
يعنى فى حاجه اسمها الاعتقال السياسى
فلما الاخوان يجيى بيتكلموا تلاقى زوار الفجر فى بيوتهم
يعنى امن الدوله ..ويخدوا من حضن امه او مراته ومش تشوفه الا بعد 20 سنه ماشى على عكاز
هو ده اللى انا بتكلم عنه
انك قلت عليهم ارهابين

يبقى انا لازم اتجاهل العيوب دلوقتى
لما يوصلوا للارهاب
يبقى اكيد مش لازم خالص انى ابص لعيوبهم
انته ليك الحق انك تنتقدهم
لكن مش انهم يوصلوا لارهابيين
طيب انا هقولك على حاجه يمكن تكو ن جديده عليك
انا سمعت مؤخرا ان جماعة الاخوان المسلمين ليها ملشيات عسكريه ومعاها سلاح
زيها زى حماس زعيمة المقاومه الباسله فى فلسطين اللى هى امتداد لجماعة الاخوان المسلمين

عمرنا سمعنا انهم علموا حاجه بالاسلحه دى
دمروا مول ولا اى حاجه من الحجات دى
ازاى ارهابين وهم فى حالهم

انته فاكر ان جماعة الاخوان منبوذه من الناس
لا زى ما قلت انها منبوذه من الاعلام
وحنا طبعا شعب غلبان
اى حاجه بنصدقها
ويلا يا وليه قومى حضرى الفطار عشان اروح الشغل
وابدأ فى رحلة البحث عن الجنيه اللى اوشك على الانقراض

ويوم ما تيجى تتكلم محدش يسمعك
الحكومه والقياده العقيمه هى السبب فى كل ده
طيب عمر شفت مدنين يتحاكموا محاكمه عسكريه
طيب ((المهندس خيرت الشاطر))
اتحاكم 7 سنين بالمحاكمه لعسكريه
وده النائب التانى لجماعة الاخاون المسلمين
ومعاه فلوسه بالحلال فلوس كتير اوى بس بالحلال بغض النظر عن احمد عز (الله يهيديه عن سرقته ونهبه للبلد)

وانته قلت فى الاخر انهم جماعه ارهابيه
يبقى سورى المفروض انى اتجاهل الكلام كله
وكلام مضاد وابعد و عن العيوب
ومش وقته عيوب بقا
اصل كلمة ارهابين انته ممكن مش تكون عارف مداها
لما تقولها لواحد فى سنى وانا مش فاهم
اكيد هاخد فكره سيئه للغايه ومن غير معرف

لان معظم شباب المنتديات
شباب سطحى جدا مش عارف حاجه
صفحه بيضه تكتب فيها اللى انته عايزها

فانا دلوقتى لازم احاول اقضى على كلمة ارهابين دى
هم ليهم اخطء اه
زى ما الشيخ محمدحسان وانصار السنه ليهم اخطاء
زى ما الحزن الواطى اللاديمقراطى ليه اخطاء قاتله
زى اى حد فى الدنيا
لكن مش يمنع انك تسمح لنفسك
انك تقول على بلدك ان فيها ارهابين
بعيدا عن اخوان او غيرهم
احنا الحمد لله فى امان
احنا عندنا ارهاب امن الدوله بس

ويسعدنى المناقشه معاك

السلام عليكم
بصراحة نويت ان اقتصد في ردي عند قراءة هذا الموضوع ...
ولذلك ... انا كل اللي هاقوله ...
انا لست من الاخوان ...
للاسف ...
واتمنى ان يكون كل المصريين اخوان ....
والاخوان ليسوا ارهابيين ... ومن ينعته بذلك .. فهو منساق خلف مضللات الاعلام المصري ....
وادلل على كلامي ... ان جمال عبد الناصر ... كان من ضمن جماعات اخوانيه ... تهذف الى انقاذ مصر من الحكم الملكي .. والاحتلال البريطاني ... فلما بات قاب قوسين او ادنى ... انفصل عنهم ....
الموضوع طويل ... والاخوان ديه قصة طويلة جدا ... واحنا مضحوك علينا ... للاسف
دمتم

كلام جميل

» خطب الشيخ محمد حسان على مآسى المسلمين فى العراق راااائعة ... منتديات اصدقاء للأبد